فلسطين -الخليل -اذنا
خطأ
بنتي سوار اجت على هالدنيا بهاد التاريخ بسنة ال2019 .. بنتي اجت ملاك لعبة بتجنن شقرا وبيضة وحلوة وما في اي سبب ببين انو مريضه او بتعاني من متلازمة ..
انا ما كنت عاملة الها فحص اعضاء وانا حامل فيها ليهك ما بعرف بنتي انها مريضة ..
بس بنتي بعد الميلاد كانت اتظل تبكي وتبكي وصراخ وعياط اكثير ومستمر .. وهلاشي مش طبيعي للبيبي الا يكون فيه سبب وخاصة انو ما بتنام بلايام ..
اعتقدنا انو التهاب اذن مغص هاي الامور البسيطة ..
اخذناها ع دكاترة اطفال اكثييير وعلفاضي الكل يحكي مغص ويعطي الدواوما تستجيب ..
بعد عمر سنة كاملة بنتي ما زاد وزنها بنتي نفس لعياط بنتي ما زحفت ولا اطلعت سنان وما بتنام منيح وبتتشنج اكثير وما بتحكي ولا شي الا كلمة ماما …
جوزي اخذها ع دكتور اخصائي اعصاب وطلب فحوصات الها .. من بين هلفحوصات صورة للدماغ وبين مشكلة براسهاا انو بتعاني من غياب الجسم الثفني ..
حكنالو البنت ما بتسكت بضل اتعيط وما بتنام اعطانا منومات اكثار وعلفاضي ..
على عمر سنة وسبع شهور روحنا لدكتور اعصاب ثاني عشان نوم البنت وطلب صورة تخطيط لراسها وتبين البنت بتعاني من شحنات براسها واعطانا دوا وهدت عليه وصارت تنام ..
بنتي حاليا عمرها سنتين وثمن شهور اطلعت جزء بسيط من سنانها طبعا مو بالترتيب ولسا بس بتقعد وما بتحكي الا كلمة ماما ونومها مش منيح اكثير وصراخها لسا موجود بس بدرجة اخف مع دوا الشحنات والتشنجات خفت ..
بنستنى بربنا يشفيها ..
0 التعليقات